Հայաստանում 2-րդ անգամ անցկացվեց ֆիջիթալ ֆուտբոլի, 1-ին անգամ՝ ֆիջիթալ պարերի մրցաշար: Միջոցառման կազմակերպչական բոլոր աշխատանքներն իրականացվել են Sparsis միջազգային մարքեթինգային ընկերության կողմից:
Ֆիջիթալ սպորտը նորարարական ուղղություն է, որը համադրում է ֆիզիկական և թվային միջավայրերը՝ ստեղծելով նոր հիբրիդային սպորտի տեսակ։
Ֆիզիկական և թվային միջավայրերի համադրությունն արտացոլվել է նաև միջոցառման բրենդավորման մեջ, որտեղ ֆիզիկական հայտնի մարզաձևերը, դիզայներական տարբեր լուծումների շնորհիվ, վերափոխվել էին ու տեղափոխվել թվային միջավայր: Իսկ կազմակերպչական թիմը հավասար պայմաններում աշխատում ու ստեղծագործում էր իրականության ու վիրտուալի այս դեպքում համադրվող տիրույթում:
