ლოგოს დიზაინი & ბრენდინგი
კომპანია „URBAN SERVICE“-ის ლოგო ასახავს მისი საქმიანობის მთავარ მიმართულებას - მრავალბინიანი საცხოვრებელი და კომერციული შენობების მართვას, ექსპლუატაციასა და ტექნიკურ მომსახურებას.
ლოგოს საფუძვლად უდევს ლათინური ასო-ბგერა U. ის შესრულებულია ზუსტ გეომეტრიულ ფორმებში, რაც სტაბილურობის, საიმედოობის, კონსტრუქციული სიმტკიცისა და მუშაობისადმი ორგანიზებული მიდგომის სიმბოლოა.
ასო-ბგერა U-ს ნაწილი შესრულებულია კონტურული ფანჯრების სახით, რაც პირდაპირ ასახავს კომპანიის საქმიანობის სფეროს - უძრავი ქონების მართვასა და შენობების ექსპლუატაციას.
წითელი ფერი სიმბოლურად გამოხატავს ენერგიას, პასუხისმგებლობასა და აქტიურ საქმიანობას. შავი ფერი განასახიერებს პროფესიონალიზმს, საიმედოობასა და ავტორიტეტს. ღია ნაცრისფერი ფერი კი ლოგოს თანამედროვე, ლაკონურ და სუფთა იერსახეს სძენს.
