Մարքեթինգային ընկերությունների կողմից մատուցվող գովազդային ծառայությունների շարքում կարևոր տեղ ունի արտաքին գովազդը։ Այն համարվում է գովազդի ամենահին տեսակներից, սակայն այսօր էլ շարունակում է մնալ որպես գովազդային գործուն հարթակ: Արտաքին գովազդի գլխավոր շեշտադրումը, իհարկե, հիմնված է վիզուալ ազդեցության վրա, այսինքն՝ գրավել և տեղեկություններ հաղորդել տեսողական ընկալիչի միջոցով:

Տպագիր գովազդի առավել ակտուալ տեսակներն են զանգվածային լրատվամիջոցների՝ օրաթերթեր, շաբաթաթերթեր, ամսագրեր, որոշակի մասնագիտական ուղղվածություն ունեցող այլ հրապարակումների, բուկլետների, թռուցիկների և այլ կրիչների միջոցով գովազդային կոնտենտի տարածումը:

Մեր ընկերությունը տպագիր գովազդի պատրաստման մեջ, որպես կարևոր և որոշիչ գործոն, հաշվի է առնում դիզայնը․ այսինքն այն, թե պատրաստված նյութը որքանով է տեսանելի, ընկալելի և հաճելի աչքի համար, քանի որ տպագիր գովազդի տեքստային բովանդակության ընթերցումն ու ընկալումը հիմնականում կապված է պատկերի և տեքստի գրագետ համադրությունից:

Մենք իրականացնում ենք՝

• բաներային գովազդի դիզայն,
• տպագրական նյութերի դիզայն,
• բուկլետների դիզայն,
• թռուցիկների դիզայն,
• արտաքին գովազդի դիզայն։