«Սպարսիս» մարքեթինգային ընկերությունը հիմնադրվել է 2019 թվականին: Հիմնադրման օրվանից ի վեր, ընկերությունն իր առջև նպատակ է դրել շուկայում դիրքավորվել որպես համալիր մարքեթինգի բարձրակարգ ծառայություններ մատուցող միջազգային ընկերություն:
Համալիր մոտեցում
Մեր համալիր մոտեցումը կազմակերպություններին հնարավորություն է տալիս «Սպարսիսին» վստահել բիզնեսի ամբողջական մարքեթինգն ու «լվանալ» ձեռքերը՝ կենտրոնանալով ներքին մենեջմենթի վրա:
Մեր ծառայությունները ներառում են.
- Շուկայի ուսումնասիրում և հետազոտություն
- Թվային մարքեթինգ
- Մարքեթինգային արշավների պլանավորում և իրագործում
- Միջոցառումների պլանավորում և կազմակերպում
- Դիզայնի և բրենդինգի ծառայություններ
- Տպագիր, ռադիո և հեռուստագովազդ
Միջազգային փորձ
Որպես միջազգային մարքեթինգային ընկերություն, «Սպարսիսը» ծառայություններ է մատուցում ողջ աշխարհում: Մեր գործունեության 6 տարիների ընթացքում աշխատել ենք եվրոպական, ամերիկյան, ասիական շուկաներում՝ օգնելով բրենդներին մեծացնել ճանաչելիությունն ու վաճառքների թիվն այնպիսի երկրներում, ինչպիսիք են ԱՄՆ-ն, Կանադան, Գերմանիան, Ավստրիան, Բրազիլիան, Բելգիան, Վրաստանը, Ռուսաստանը, Հոլանդիան, Իտալիան, Իսպանիան, Մեծ Բրիտանիան, Ղազախստանը, Չինաստանը և այլն:
Թվային-միջազգային ներկայացվածությունից զատ, «Սպարսիսն» ընդլայնում է նաև ֆիզիկական ներկայացվածությունը: Մեր գործընկերները մեզ կարող են հանդիպել ոչ միայն Երևանի, այլ արդեն նաև Թբիլիսիի գրասենյակում:
Պրոֆեսիոնալ մասնագետներ
«Սպարսիսի» թիմը համալրված է բանիմաց մասնագետներով, որոնցից յուրաքանչյուրն իր գործի գիտակ է: Թիմում նեղ մասնագիտացմամբ պրոֆեսիոնալների ընդգրկումը մեզ թույլ է տալիս զգալիորեն բարձրացնել մատուցվող ծառայությունների որակը:
«Միտքը ձեւ ունի»՝ այսպիսին է «Սպարսիս»-ի կարգախոսը: Անգամ ամենահամարձակ մտքերը մեր ստեղծագործական մոտեցման շնորհիվ դառնում են իրականություն և փոխում խաղի կանոնները:
«Սպարսիսի» հաջողության գաղտնիքը թիմային աշխատանքն ու վստահելի գործընկերներն են:
Ընկերության ծառայությունների շրջանակին, կատարած աշխատանքներին և գործընկերներին առավել մանրամասն ծանոթանալու համար ուսումնասիրեք մեր պաշտոնական կայքէջը:
