Ի՞նչ է UI-ը (user interface)
User Interface-ը կամ հայերեն օգտագործողի ինտերֆեյսը կայքի կամ հավելվածի վիզուալ հատվածն է, որի հետ մարդիկ առնչվում են: Այն ներառում է այնպիսի տարրեր, ինչպիսիք են կոճակները, մենյուները, տառատեսակները, լուսանկարները և այս ամենի ճշտգրիտ դասավորությունը: UI-ի նպատակը կայքից կամ հավելվածից օգտվողներին առավելագույնս պարզ ու հասկանալի ինտերֆեյս տրամադրելն է:
Ի՞նչ է UX-ը (user experience)
User Experience-ը կամ հայերեն օգտագործողի փորձը հավելվածից կամ վեբ կայքից օգտվողների ընդհանուր փորձառությունն է՝ օգտագործողի անցած ճանապարհը, հարմարավետությունը և ընդհանուր «բավարարվածությունը»: UX-ի նպատակն է ապահովել այցելուների հեշտ, արագ և հարմարավետ նավարկությունը կայքից կամ հավելվածից օգտվելիս:
Ճիշտ կառուցված UI/UX պրոդուկտ ունենալը կարևոր է հատկապես այն ժամանակ, երբ օգտատերերն այցելում են կայք կամ հավելված բջջային սարքավորումներից: Ավելին, Mobile-friendly կայք ունենալը կարևոր գործոն է նաև որոնողական համակարգերում բարձր հորիզոնականներ գրավելու համար:
UI/UX դիզայնի ծառայություններ
UI/UX դիզայնի ծառայությունների մատուցումն ընթանում է մի քանի փուլով.
- Թիրախային լսարանի, շուկայի և մրցակիցների վերլուծություն
- Օգտագործողի պրոֆիլի ստեղծում
- Սցենարների ստեղծում
- Ինֆորմացիոն ստրուկտուրայի ստեղծում
- Նապատիպավորում և փորձարկում
- Վիզուալ դիզայն
- Գործարկում և feedback-երի հիման վրա բարելավումներ
Ծանոթացե՛ք մեր կողմից իրականացված UI/UX դիզայնի նախագծերին և կապ հաստատեք՝ քննարկելու ձեր առաջիկա նախագիծը: