Պրոֆեսիոնալ SMM ծառայություններ

Այսօր սոցիալական ցանցերը պարզապես ընկերների հետ կապ պահպանելու միջոց չեն։ Դրանք դարձել են բիզնեսի զարգացման ամենահզոր գործիքներից մեկը։ Սոցցանցերի միջոցով հնարավոր է բրենդը ներկայացնել ճիշտ լսարանին՝ ճիշտ ժամանակին։ Ժամանցային տեսանյութերը, ինտերակտիվ սթորիներն օգնում են առանձնանալ, հիշվել և լսարանին վերածել իրական հաճախորդների այնպիսի հարթակներում, ինչպիսիք են Instagram-ը, Facebook-ը, TikTok-ը, LinkedIn-ը և այլն։ Այստեղ ոչ այնքան կարևոր են պարզապես լայքերը կամ մեկնաբանությունները, այլ վստահությունը, ճանաչելիությունը և հաճախակի ներկայությունը լսարանի feed-ում։

Ի՞նչ է SMM-ը (սոցիալական մեդիա մարքեթինգ)

 Սոցիալական մեդիա մարքեթինգը թվային մարքեթինգի ճյուղ է, որի նպատակն է սոցիալական ցանցերի միջոցով բրենդի առաջխաղացումը, ներգրավվածության բարձրացումը և բիզնեսի առջև դրված նպատակներին հասնելը: Այն երկարաժամկետ գործընթաց է, որը հիմնված է կրեատիվ կոնտենտի, հստակ պլանավորման, արդյունքների վերլուծության և ակտիվ հաղորդակցության վրա։ Գովազդային արշավներ, բլոգերների հետ համագործակցություն, կոնտենտի ստեղծում, թիրախավորված գովազդ և վերլուծություն՝ սրանք SMM-ի առանցքային բաղադրիչներն են։ Գրագետ մշակված SMM ռազմավարությունը ոչ միայն օգնում է առանձնանալ, այլ նաև դառնալ հաճախորդի ընտրությունը։

SMM ծառայություններ բիզնեսի համար

Յուրաքանչյուր բիզնես իր տեսակով, մատուցած ծառայություններով ունի յուրահատկություններ: Հստակ մշակված ռազմավարությունը, գրավիչ կոնտենտը, գովազդն ու ինֆլուենսերների հետ համագործակցությունն արդյունավետ օգտագործելով հնարավոր է հասնել ինչպես սկսնակ, այնպես էլ՝ ոլորտում կայացած բիզնեսների առջև դրված նպատակներին: Անհրաժեշտ է հասկանալ՝ ո՞վ է թիրախային լսարանը, ո՞ր սոցիալական ցանցերում է ակտիվ, ո՞ր տեսակի բովանդակությունն է նրան հետաքրքիր և այլն: Որակյալ և օգտակար բովանդակությունը պահպանում է լսարանի հետաքրքրությունն ու խթանում ներգրավվածությունը:

Ի տարբերություն թվային մարքեթինգի մյուս ճյուղերի, սոցցանցերն ունեն մեկ ակնհայտ առավելություն՝ հաճախորդների հետ ուղիղ հաղորդակցությունը մեկնաբանությունների և անձնական հաղորդագրությունների միջոցով, իսկ երբ այս ամենն ուղեկցվում է թիրախավորված գովազդով և կրեատիվ արշավներով, այն դառնում է ճանաչելիության մեծացման և վաճառքների հզոր գործիք։

SMM ծառայություններ

Սոցիալական մեդիա մարքեթինգը համալիր գործընթաց է, որը ներառում է՝

• SMM ռազմավարություն
   Շուկայի, լսարանի և մրցակիցների վերլուծությունը հանդիսանում է անհատական ռազմավարության կառուցման հիմքը։ Այն ներառում է հարթակների ընտրություն (Instagram, Facebook, TikTok, LinkedIn և այլն), կոնտենտ պլանի կազմում, հաղորդակցություն հաճախորդների հետ, ինչպես նաև առաջխաղացման պլանի կազմում և բարելավման հնարավորությունների բացահայտում։
• Կոնտենտի ստեղծում եւ պլանավորում
  Այս փուլում մշակվում է վիզուալ գրավիչ և ներգրավող բովանդակություն, որը արտահայտում է բրենդի էությունը․ ստատիկ հրապարակումներ, տեսանյութեր, անիմացիաներ, ուսուցողական և օգտակար կոնտենտ: Բովանդակությունը նախապես համաձայնեցվում է պատվիրատուի հետ:
• Սոցիալական մեդիա գովազդ
   Թիրախավորված գովազդային արշավները Facebook, Instagram, TikTok, LinkedIn և այլ հարթակներում թույլ են տալիս արագորեն հասնել նպատակային լսարանին, մեծացնել վաճառքները և ընդլայնել բիզնեսի սահմանները։ Գովազդը ներառում է պլանավորում, գործարկում, կրեատիվների և տեքստերի ստեղծում, լսարանի բացահայտում, բյուջեի օպտիմալացում, A/B թեստավորում և արդյունքների մշտադիտարկում։
• Ինֆլյուենսեր մարքեթինգ
  Այս փուլում ընտրվում են բլոգերներ և ինֆլուենսերներ, ովքեր համապատասխանում են բրենդին և «խոսում» լսարանի լեզվով: Իրականացնվում է ինֆլուենսերների հետ հաղորդակցություն, գովազդային կոնտենտի հստակեցում և արդյունավետության վերլուծություն:
• Վերլուծություն եւ հաշվետվություն
  Օգտագործելով սոցիալական ցանցերի, ինչպես նաև այլ անալիտիկ գործիքների տրամադրած վիճակագրական տվյալները, հնարավոր է վերլուծել գրանցված արդյունքներն ու բացահայտել գովազդային արշավների օպտիմալացման ուղիները:

Պատրա՞ստ եք ձեր բիզնեսը բարձրացնել նոր մակարդակի։ Ծանոթացե՛ք մեր կողմից իրականացված SMM աշխատանքներին և կապվեք մեզ հետ՝ քննարկելու ձեր բիզնեսի SMM ռազմավարությունը: