Green Cab մեքենաների բրենդավորման հիմքում ընկած է էկոլոգիապես մաքուր և առողջ միջավայրի գաղափարը, որը դիզայներական տարաբնույթ լուծումների միջոցով արտացոլվել է ավտոմեքենաների արտաքին ձևավորման մեջ։
Դիլիջանի մաքուր օդը, փարթամ բնությունը և ծառաշատ լանդշաֆտը վերածվել են վիզուալ խորհրդանիշների, որոնք այժմ հնարավոր է «տեղափոխել» նաև Հայաստանի մյուս մարզեր՝ տարածելով կանաչ միջավարի գաղափարն ամենուր։
Sparsis միջազգային մարքեթինգային ընկերության կողմից ներկայացված աշխատանքը, մասնակցելով GreenRock Management Group-ի հայտարարած մրցույթին, արժանացել է պրոֆեսիոնալ ժուրիի բարձր գնահատականին և սոցիալական էջերի օգտատերերի կողմից ամենաշատ հավանումներ ստանալու արդյունքում ճանաչվել է հաղթող։
Green Rock-ը միջազգային ընկերությունն իրականացնում է զարգացմանն ուղղված մի շարք լայնածավալ բիզնես և սոցիալական նախագծեր։ Ընկերության հիմնական առաքելությունն է ստեղծել բազմաֆունկցիոնալ միջավայր, որը կնպաստի Հայաստանի սոցիալ-տնտեսական առաջընթացին և կայուն զարգացմանը։
