Վայրէջքի էջի կարեւորությունը․ ինչպե՞ս օպտիմալացնել այն և բարելավել կոնվերսիաները

Վայրէջքի էջը թվային մարքեթինգի ամենակարևոր ասպեկտներից մեկն է։ Բիզնեսները մեծ գումարներ են ծախսում գովազդային արշավների և բովանդակության ստեղծման վրա, բայց հաճախ ուշադրություն չեն դարձնում, թե ինչ է կատարվում քլիքից հետո։ Անգամ ամենաօպտիմալացված և մանրամասն թիրախավորված գովազդը կարող է անարդյունավետ լինել, եթե վայրէջքի էջը չի կարողանում այցելուներին դարձնել հաճախորդներ։

Սպարսիս մարքեթինգային ընկերության հերթական բլոգում կխոսենք լենդինգ էջի կարևորության և այն մասին, թե ինչպես կարող է վերջինիս վերլուծությունը բարելավել կոնվերսիայի տոկոսն ու նվազեցնել գովազդային ծախսերը։

Վայրէջքի էջը միայն գեղեցիկ դիզայնի մասին չէ՝ այն այցելուի վերջնական որոշում կայացնելու փուլն է։ Այն կամ ձևավորում է վստահություն և մղում է գործողության, կամ ստեղծում է խոչընդոտներ, որոնք նպաստում են կայքը լքելուն, հետևաբար շարունակական օպտիմալացումը կարևոր է մարքեթինգային արդյունավետության բարձրացման համար։

Առաջին տպավորությունը

Օգտատերերը վայրկյանների ընթացքում պատկերացում են կազմում էջի բովանդակության և որակի մասին։ Հաճախ 5 վայրկյանը բավարար է որոշում կայացնելու համար։ Վերնագիրը պետք է անմիջապես փոխանցի ասելիքը։ Այն պետք է լինի հստակ, կոնկրետ և արդյունքի վրա կենտրոնացած։ Անորոշ հաղորդագրությունները ստեղծում են շփոթություն և նվազեցնում ներգրավվածությունը։
Ենթավերնագիրը պետք է ամրապնդի վերնագրի հետ համապատասխանությունը՝ հստակեցնելով, թե ում համար է առաջարկը և ինչ խնդիր է այն լուծում։

Գովազդային տեքստը, նույնպես, պետք է համահունչ լինի լենդինգ էջի բովանդակությանը։ Ցանկացած անհամապատասխանություն կարող է առաջացնել անվստահություն և մեծացնել bounce rate-ը։

Գործողության կոչը (CTA) պետք է լինի տեսանելի։ Օգտատերերը չպետք է փնտրեն, թե ինչպես կապ հաստատել կամ որտեղ է պետք թողնել տվյալներ։

Արագությունն ու տեխնիկական վիճակը

Էջի արագությունն ուղղակիորեն կապ ունի կոնվերսիայի տոկոսի հետ։ Անգամ միլիվայրկյանների ուշացումը կարող է վաճառքների կորստի պատճառ դառնալ։

Դանդաղ էջերի հիմնական պատճառներն են մեծ ծավալի լուսանկարները, ոչ օպտիմալ սկրիպտերն ու կոդի կառուցվածքը։

Արագ նավարկելի վայրէջքի էջերը մշտապես գերազանցում են դանդաղ էջեր ունեցող մրցակիցներին ինչպես վճարովի, այնպես էլ օրգանիկ այցելությունների դեպքում՝ բարելավելով օգտատերերի ներգրավվածությունն ու կոնվերսիայի գործակիցը։

Մոբայլ հարմարավետություն

Այցելությունները մեծ մասը գալիս է բջջային սարքերից, ինչը բջջային սարքերի համար օպտիմալացումը դարձնում է էլ ավելի կարևոր։

Հարմարավետության հիմնական կետերից են տեքստի համապատասխան չափսը, կոճակների ճիշտ եւ հարմար տեղակայումը, ինտուիտիվ նավարկելիությունը, վերնագրերի, լուսանկարների համահունչ դասավորվածությունն ու արագությունը։

Անգամ աննշան թվացող թերությունները կարող են հանգեցնել բջջային սարքերից կոնվերսիաների զգալի կորստի։

Վաճառքների վրա կենտրոնացված կոնտակտային ֆորմայի դիզայն

Contact form-երը սովորաբար հանդիսանում են վաճառքների գործընթացի վերջին կետը, բայց հաճախ նաև այն վայրը, որտեղից օգտատերը լքում է կայքը։

Որքան քիչ են լրացման դաշտերը, այնքան ավելի մեծ է լրացման հավանականությունը։ Անհրաժեշտ է բացառել բոլոր այն տվյալները, առանց որոնց հնարավոր է ունենալ պոտենցիալ հաճախորդի բազային տվյալները։ Ուսումնասիրությունները ցույց են տալիս, որ անգամ անուն ազգանունը երկու դաշտի փոխարեն մեկում ներառելը բարձրացնում է կոնվերսիայի տոկոսը։ Մարդիկ չեն սիրում շատ տվյալներ թողնել համացանցում, հետևաբար պետք է պահանջել լրացնել միայն ամենակարևորը։

Վստահության ազդանշաններ և սոցիալական ապացույց (Social Proof)

Վստահությունը վաճառքների գործընթացի հիմքն է, հատկապես թանկարժեք ծառայությունների կամ անծանոթ բրենդների դեպքում։
Վստահություն ձևավորող տարրերն են իրական հաճախորդների կարծիքները, չափելի արդյունքներով պորտֆոլիոն, հայտնի հաճախորդների լոգոների ցուցադրումը և այլն։

Որքան ավելի վստահելի և հեշտությամբ ստուգելի է տեղեկատվությունը, այնքան ավելի հեշտ և արագ է կայացվում գնման որոշումը։

Բովանդակության կառուցվածք և հաղորդագրության հստակություն

Լենդինգ էջերը պետք է կառուցված լինեն սկանավորման, ոչ թե ընթերցման համար։ Օգտատերերը հազվադեպ են ընթերցում ողջ տեղեկատվությունը․ նրանք արագ զննում են՝ փնտրելով ամենակարևորը։

Ուժեղ լենդինգ էջերը հիմնված են հստակ կառուցվածքի, ներկայացված տվյալների տրամաբանական հաջորդականության և հակիրճ հաղորդագրությունների վրա, որոնք արագ փոխանցում են ասելիքն առանց ավելորդ բարդության։

Օգտատերերի վարքագծի և տվյալների վերլուծություն

Լենդինգ էջի արդյունավետ օպտիմալացումը հիմնված է օգտատերերի վարքագծի վերլուծության վրա։ Այցելությունների ձայնագրությունները ցույց են տալիս, թե ինչպես են օգտատերերը փոխազդում էջի հետ, որտեղ են տատանվում և որտեղից հեռանում։

Քլիք քարտեզները (click maps) ընդգծում են, թե որ տարրերն են գրավում ուշադրություն և հաճախ բացահայտում են անհամապատասխանություններ օգտատերերի սպասումների և ինտերֆեյսի դիզայնի միջև։

A/B թեստավորում և շարունակական օպտիմալացումներ

Լենդինգ էջի արդյունավետությունը բարելավվում է կառուցվածքային փորձարկումների, ոչ թե պատահական փոփոխությունների միջոցով։
A/B թեստավորումը թույլ է տալիս ուղիղ համեմատել էջի տարբեր տարբերակներ՝ հասկանալու համար, թե որն է իրականում ապահովում ավելի լավ արդյունքներ։

Հստակ տվյալներ ստանալու համար պետք է միաժամանակ փորձարկել միայն մեկ տարր՝ օրինակ վերնագիրը, գործողության կոչը (CTA) կամ վիզուալը։

Եզրակացություն

Վայրէջքի էջի օպտիմալացումը մեկանգամյա գործողություն չէ՝ այն շարունակական կատարելագործման գործընթաց է վերը նշված բոլոր ուղղություններով։

Անգամ չնչին բարելավումները կարող են զգալի ազդեցություն ունենալ ընդհանուր մարքեթինգային արդյունավետության վրա՝ նվազեցնելով լիդի արժեքն առանց գովազդային բյուջեի ավելացման։

Կապ հաստատեք մեզ հետ՝ ուսումնասիրելու Ձեր լենդինգ էջի և ընդհանուր մարքեթինգի արդյունավետությունն ու բարելավման ուղղությունները։